Bakıda məktəbli forması ilə bağlı asayişi pozan 37 nəfər həbs edildi

Bakı şəhərində məktəbli forması ilə bağlı yaşanan narazılıqlar və ictimai qaydanın pozulması cəhdləri ilə əlaqədar polis tərəfindən qətiyyətli tədbirlər görülüb.

hadiseler.info “24/7 press media”-ya istinadən xəbər verir ki, Daxili İşlər Nazirliyi (DİN) məsələ ilə bağlı rəsmi məlumat yayıb.

DİN-in məlumatına görə, ictimai qaydanı kobud şəkildə pozan, təhsil müəssisələrinin normal fəaliyyətinə və nəqliyyatın hərəkətinə mane olmağa cəhd göstərən şəxslər müəyyən edilərək saxlanılıb. Baş vermiş olaylarla əlaqədar Azərbaycan Respublikası Cinayət Məcəlləsinin 233-cü (İctimai qaydanın pozulmasına səbəb olan hərəkətləri təşkil etmə və ya bu cür hərəkətlərdə aktiv iştirak etmə) maddəsi ilə 37 nəfər barəsində həbs qətimkan tədbiri seçilib.