Bakıda tədbirdə ekran qadının üstünə aşdı — VİDEO

Bakı şəhərinin Yasamal rayonunda keçirilən kütləvi tədbir zamanı bədbəxt hadisə qeydə alınıb.

hadiseler.info xəbər verir ki, hadisə Məhəmməd Naxçıvani küçəsində baş verib. Sosial şəbəkələrdə yayılan görüntülərə əsasən, ehtiyatsızlıq səbəbindən iriölçülü LED ekran insanların dayandığı sahəyə aşıb.

Hadisə nəticəsində bir qadının xəsarət aldığı bildirilir.

Məlumata görə, bədbəxt hadisə Azərbaycan Yerüstü Nəqliyyat Agentliyinin (AYNA) “Mikromobillik həftəsi” çərçivəsində təşkil etdiyi “Avtomobilsiz gün” tədbiri zamanı baş verib.

Faktla bağlı əlavə məlumat veriləcək.