Bakıda zəncirvari qəza baş verib: 3 yaralı – VİDEO

Şəhərin Heydər Əliyev prospektində yaralanma ilə nəticələnən zəncirvari yol-nəqliyyat hadisəsi baş verib.

hadiseler.info xəbər verir ki, ilkin məlumata görə, ötmə manevrini düzgün yerinə yetirməyən “Toyota Prius” markalı minik avtomobili “VAZ-21099” markalı nəqliyyat vasitəsinə çırpılıb. Zərbənin təsirindən idarəetməni itirən avtomobil daha sonra karşı tərəfdən gələn “VAZ-2107” markalı maşınla toqquşub.

Qəza nəticəsində 3 nəfər — 1960-cı il təvəllüdlü Beytulla Mirzəyev, 2021-ci il təvəllüdlü Sənan Diniyev və Kənan Diniyev müxtəlif dərəcəli xəsarətlər alıblar.

Faktla bağlı müvafiq qurumlar tərəfindən araşdırma aparılır.