BDU-da dərslər onlayn rejimə keçir

Bakı Dövlət Universitetində (BDU) tədris müvəqqəti olaraq distant (məsafədən) formaya keçirilib.

hadiseler.info xəbər verir ki, dərslərin onlayn formata keçirilməsinə səbəb paytaxtda keçirilən “Formula-1” yarışı və bununla əlaqədar yaranan nəqliyyat məhdudiyyətləridir. BDU-dan verilən rəsmi açıqlamaya görə, 23-25 sentyabr tarixlərində (3 gün müddətində) tədris prosesi distant formada təşkil olunacaq.

Tələbələr artıq onlayn dərslərin keçirilməsi ilə bağlı öncədən bilgiləndiriliblər.