Bu gün Azərbaycanda Laçın Şəhəri Günü qeyd olunur

Bu gün Azərbaycanda 26 avqust – Laçın Şəhəri Günü kimi təntənəli şəkildə qeyd edilir.

hadiseler.info xəbər verir ki, Prezident İlham Əliyevin 31 iyul 2023-cü il tarixli Sərəncamına əsasən təsis edilən bu əlamətdar gün, Laçın şəhəri, Zabux və Sus kəndlərinin 2022-ci il avqustun 26-da Azərbaycanın tam nəzarəti altına keçməsi tarixi ilə bağlıdır.

44 günlük Vətən müharibəsində qazanılan Zəfər nəticəsində imzalanmış üçtərəfli bəyanata əsasən Laçın rayonu 2020-ci il dekabrın 1-də təhvil verilsə də, şəhər mərkəzi Rusiya sülhməramlı kontingentinin müvəqqəti nəzarətində qalmışdı. Alternativ yolun istifadəyə verilməsindən sonra Azərbaycan Ordusu 26 avqust 2022-ci ildə Laçın şəhərinə daxil olaraq burada Azərbaycan bayrağını ucaldıb.