Bələdiyyələrin adları yenilənir

Quba rayonunda üç kəndin adının dəyişdirilməsi ilə əlaqədar müvafiq bələdiyyələrin adlarında da yenilənmə aparılır.

hadiseler.info xəbər verir ki, bu məsələ Milli Məclisin Regional məsələlər komitəsinin iclasında müzakirə olunan “Bələdiyyələrin əraziləri və torpaqları haqqında” Azərbaycan Respublikasının Qanununa Əlavə – “Azərbaycan Respublikasında bələdiyyələrin siyahısı”nda dəyişiklik edilməsi barədə qanun layihəsində yer alıb.

Təklif olunan layihəyə əsasən bələdiyyələrin adları aşağıdakı kimi dəyişdirilir:

 Timiryazev-Alekseyevka bələdiyyəsi: Bəhrəli-Çinarlı bələdiyyəsi

 Vladimirovka bələdiyyəsi: Elbir bələdiyyəsi

Ad dəyişikliyi bələdiyyələrin tərkibinə daxil olan Timiryazev kəndinin Bəhrəli, Alekseyevka kəndinin Çinarlı və Vladimirovka kəndinin isə Elbir adlandırılması ilə bağlıdır.