DSX-nin tarixinə düşən general son mənzilə yola salındı

Müstəqil Azərbaycan Respublikasının Sərhəd Qoşunlarının ilk komandanı, “Azərbaycan Bayrağı” ordenli general-mayor İsgəndər İmanverdi oğlu Allahverdiyev vəfat edib.

hadiseler.info xəbər verir ki, Hərbi Memorial Məzarlıqda təşkil olunan dəfn mərasimində mərhumun ailə üzvləri və yaxınları, Dövlət Sərhəd Xidmətinin, Müdafiə Nazirliyinin və Dövlət Təhlükəsizliyi Xidmətinin rəhbər heyəti, hərbi qulluqçular, veteran sərhədçilər, dövlət qurumlarının əməkdaşları və ictimaiyyət nümayəndələri iştirak ediblər.

Mərasimdə general-mayor İsgəndər Allahverdiyevin Azərbaycan dövlətçiliyinə, təhlükəsizlik və sərhəd mühafizəsi orqanlarındakı misilsiz xidmətləri xatırlanıb, əziz xatirəsi ehtiramla yad edilib.

Qeyd edək ki, 11 fevral 1947-ci ildə Bakı şəhərində anadan olan İsgəndər Allahverdiyev 1991–1992-ci illərdə Dövlət Sərhədini Mühafizə Komitəsinin sədri işləyib, 1992-ci ildə general-mayor ali hərbi rütbəsi alıb. O, 1992–1994-cü illərdə Milli Təhlükəsizlik nazirinin müavini və Azərbaycan Sərhəd Qoşunlarının ilk komandanı kimi milli sərhəd mühafizəsi sisteminin formalaşmasında xüsusi xidmətlər göstərib