Gürcüstan və Azərbaycan strateji tərəfdaşlıq məsələlərini nəzərdən keçirdi

Gürcüstan Baş nazirinin müavini, müdafiə naziri İrakli Çikovani Azərbaycanın bu ölkədəki fövqəladə və səlahiyyətli səfiri Faiq Quliyevlə görüşüb.

hadiseler.info xəbər verir ki, görüş zamanı Faiq Quliyev yeni təyin olunan müdafiə attaşesi, polkovnik Arzu Həsənovu Gürcüstanın müdafiə nazirinə təqdim edib.

Söhbət zamanı Azərbaycanla Gürcüstan arasındakı strateji tərəfdaşlığın regionun təhlükəsizliyi və sabitliyi üçün mühüm rol oynadığı diqqətə çatdırılıb.

Həmçinin müdafiə sahəsində ikitərəfli və üçtərəfli formatlarda reallaşdırılan layihələr və gələcək əməkdaşlıq planları ətrafında fikir mübadiləsi aparılıb.