İran XİN Britaniyanı terrorçu kimi tanıyıb 

İran Xarici İşlər Nazirliyi Böyük Britaniyanın Xarici Kəşfiyyat Xidməti ,Hərbi Dəniz Qüvvələri və Kral Hərbi Hava Qüvvələrini terror təşkilatları kimi tanıyıb.  

hadiseler.info xəbər verir ki, İran mediasına istinadən bu barədə İslam Respublikasının XİN-i bəyanat yayıb.  

“Bu bəyanatın dərc edildiyi vaxtdan Britaniyanın Xarici Kəşfiyyat Xidməti (MI6) milli təhlükəsizlik və maraqlara qarşı casusluq, İsrail və düşmən ölkələrlə əməkdaşlığa görə cəzanın sərtləşdirilməsi haqqında qanunun 1-ci maddəsinin 2-ci bəndinə əsasən düşmən qrup kimi qəbul edilir.  

Bu bəyanatın dərc edildiyi vaxtdan Kral Hərbi Dəniz Qüvvələri (Navy Royal) və Kral Hərbi Hava Qüvvələri (Royal Air Force – RAF) İslam İnqilabı Keşikçiləri Korpusunun (SEPAH) Amerika Birləşmiş Ştatları tərəfindən terror təşkilatı elan edilməsinə qarşı cavab tədbiri haqqında qanuna tabe edilir və buna əsasən bu iki qurum terror təşkilatları kimi tanınır”, – bəyanatda vurğulanıb.  

İran bu addımı BMT Nizamnaməsinin prinsipləri və beynəlxalq hüquqla əsaslandırıb.