İranda kafeyə silahlı hücum: 2 nəfər həyatını itirdi

İranın Zəhədan şəhərində faciəvi silahlı insident qeydə alınıb.

Hadisələr.info xəbər verir ki, bu barədə İranın “Tasnim” agentliyi məlumat yayıb.

Məlumata görə, “Peugeot 405” markalı minik avtomobilində olan naməlum silahlı şəxslər Zəhədanın Şəhid Məzari bulvarında yerləşən kafeyə daxil olaraq orada bulunan 2 nəfəri atəşə tutublar.

Açılan atəş nəticəsində ağır yaralanan hər iki şəxs hadisə yerində dünyasını dəyişib. Hücum edənlər cinayəti törətdikdən sonra ərazidən qaçmağı bacarıblar. Hazırda hücum edənlərin kimliyinin müəyyənləşdirilməsi və tutulması istiqamətində hüquq-mühafizə organları tərəfindən genişmiqyaslı axtarış əməliyyatları aparılır.