İtaliya Silahlı Qüvvələrinin hərbçiləri Azərbaycana səfər edib

Bakıda Azərbaycan Respublikası Müdafiə Nazirliyi ilə İtaliya Respublikası Silahlı Qüvvələrinin Baş Qərargahı arasında 2026-cı il üçün imzalanmış ikitərəfli hərbi əməkdaşlıq Planına əsasən “Axtarış və xilasetmə sahəsində ekspert görüşü” təşkil olunub.

hadiseler.info xəbər verir ki, bu barədə Müdafiə Nazirliyinin Mətbuat xidməti məlumat yayıb.

Tədbirdə iştirak etmək məqsədilə İtaliya Silahlı Qüvvələrinin bir qrup hərbi qulluqçusu Azərbaycana səfər edib.

Səfər çərçivəsində italiyalı qonaqlar Azərbaycan Hərbi Hava Qüvvələrinin (HHQ) hərbi bazasında olublar. İtaliya nümayəndə heyəti Azərbaycan HHQ-nin silahlanmasında olan müasir aviasiya vasitələri, uçuş avadanlıqları, eləcə də şəxsi heyətin gündəlik fəaliyyəti və xidməti şəraiti ilə yaxından tanış olublar.