“Kahı” və “kərəviz” yükündə 79 kq narkotik aşkarlanıb- VİDEO

Dövlət Gömrük Komitəsinin Astara Gömrük İdarəsinin əməkdaşları tərəfindən həyata keçirilən əməliyyat nəticəsində xüsusilə külli miqdarda narkotik vasitənin tranzit yolla Azərbaycan ərazisindən keçirilməsinin qarşısı alınıb.

hadiseler.info xəbər verir ki, Astara gömrük postunda İran İslam Respublikasından Rusiya Federasiyasına “kahı” və “kərəviz” yükü aparan yük nəqliyyat vasitəsi idxal yoxlama xəttində saxlanılaraq gömrük nəzarətinə cəlb edilib.

Nəqliyyat vasitəsi stasionar rentgen qurğusundan keçirilərək kinoloji xidmət itinin tətbiqi ilə yoxlanılıb və yükdə gizlədilən bağlamaların olduğu müəyyən edilib.

Aparılan yoxlama zamanı 230 ədəd “kərəviz” formalı qablaşdırmada xalis təmiz çəkisi 79 kq 740 qram olan marixuana aşkar edilərək götürülüb.

Faktla bağlı müvafiq qurumlar tərəfindən araşdırma aparılır.