Mehriban Rəhimliyə məhkəmə hökmü oxundu

ABŞ-nin “German Marşal Fondu”nun məsləhətçisi Mehriban Rəhimlinin məhkəmə araşdırması başa çatıb.

hadiseler.info xəbər verir ki, Bakı Ağır Cinayətlər Məhkəməsində keçirilən iclasda M.Rəhimliyə hökm oxunub.

M.Rəhimli Baş Prokurorluğun qeyri-hökumət təşkilatları (QHT) ilə bağlı apardığı istintaq çərçivəsində cinayət məsuliyyətinə cəlb edilib. O, vəzifə səlahiyyətlərindən sui-istifadə etməklə cinayət yolu ilə əldə olunmuş xeyli miqdarda əmlakın leqallaşdırılmasında ittiham olunub.

Məhkəmənin qərarı ilə Mehriban Rəhimli elan olunmuş ittihamlar üzrə təqsirli bilinsə də, ona həbs cəzası verilməyib. Təqsirləndirilən şəxsə 4 il sınaq müddəti seçilməklə, 7 il 6 ay şərti cəza təyin edilib.

Xatırladaq ki, bundan əvvəl də QHT işi çərçivəsində başqa bir neçə tanınmış şəxs cinayət məsuliyyətinə cəlb olunub.