Müəllim şagirdlərə Xameneyiyə həsr olunan mahnı oxutdurdu— VİDEO

Məktəbdə fənn tədrisi əvəzinə şagirdlərə İranın ali dini lideri Əli Xameneyiyə həsr olunmuş mahnı oxudulması ictimaiyyətdə ciddi etirazla qarşılanıb.

hadiseler.info xəbər verir ki, məsələyə münasibət bildirən AMEA Folklor İnstitutunun Qərbi Azərbaycan folkloru şöbəsinin əməkdaşı, filologiya üzrə fəlsəfə doktoru Elyar İslamoğlu müəllim haqqında tədbir görülməsinin tamamilə normal və hətta gecikmiş bir qərar olduğunu vurğulayıb.

İctimai fəal qeyd edib ki, məktəblər dini təbliğat və yad ölkələrin ideologiyasının aşılanacağı yer deyil:

“Müəllim məktəbdə dərsini keçmək əvəzinə şagirdlərə Xameneyiyə həsr olunan mahnı oxudanda tədbir görülməsi normaldır. Hətta gecikmiş qərardır.

Məktəb dini təbliğatın, başqa ölkələrin dini ideologiyasının təbliğ olunacağı yer deyil.

Məktəbdə yalnız tədris proqramına və fənnə aid olan materiallar təbliğ edilməlidir. Siz öz dövlətinizin bayrağını tərs asın, başqa dövlətlərin ideologiyasını məktəblərə daşıyın, sonra da sərt tədbirlər görüləndə etiraz edin.

Nə gözəl məmləkət!”