Mərkəzi Bank 3 BOKT-un vəzifəli şəxsini cərimələdi

Azərbaycan Mərkəzi Bankı (AMB) cari nəzarət tədbirləri çərçivəsində qanunvericiliyin tələblərini pozan 3 bank olmayan kredit təşkilatının (BOKT) vəzifəli şəxsini cərimələyib.

hadiseler.info xəbər verir ki, cinayət yolu ilə əldə edilmiş əmlakın leqallaşdırılması və terrorçuluğun maliyyələşdirilməsinə qarşı mübarizə haqqında qanunvericiliyi pozduğu üçün “SF Azerbaijan” MMC BOKT 50 000 manat, onun vəzifəli şəxsi isə 10 000 manat məbləğində cərimə edilib.

Bundan əlavə, Mərkəzləşdirilmiş Kredit Reyestrinə məlumatların təqdim olunması qaydalarını pozduqlarına görə “İDK” MMC BOKT-un vəzifəli şəxsi 2 000 manat, “Prior Credit” ASC BOKT-un vəzifəli şəxsi isə 3 000 manat cərimələnib.