Polşa səfiri XİN-ə ÇAĞIRILDI

Polşanın Azərbaycandakı fövqəladə və səlahiyyətli səfiri Pavel Radomski Xarici İşlər Nazirliyinə (XİN) çağırılıb.

hadiseler.info xəbər verir ki, bu barədə XİN məlumat yayıb. Görüş zamanı Polşanın ictimai yayım orqanı olan TVP-nin (TVP World) “Eastern Express” verilişində Azərbaycan əleyhinə yayımlanmış süjetdə ölkəmizə və rəhbərliyə qarşı yer alan qərəzli iddialarla bağlı kəskin etiraz bildirilib və etiraz notası təqdim olunub.

XİN-dən bildirilib ki, Polşa hökuməti tərəfindən maliyyələşdirilən kanalda təxribat xarakterli məzmunun yayımlanması ikitərəfli münasibətlərə zərər vurmaq potensialına malik qeyri-dost addımdır. Polşa tərəfi bu cür təxribatçı kampaniyaların dayandırılması istiqamətində təxirəsalınmaz tədbirlər görməyə çağırılıb.