Qara dənizdə azərbaycanlıların olduğu gəmi dron hücumuna məruz qalıb

Qara dənizdə göyərtəsində azərbaycanlı dənizçilərin olduğu yük gəmisinə dron hücumu olub.

hadiseler.info “Bakıvaxtı.az”a istinadən xəbər verir ki, bu barədə “Azərbaycan Dənizçilərinə Dəstək” İctimai Birliyi məlumat yayıb.

Hadisə avqustun 25-də qeydə alınıb. Liberiya bayrağı altında üzən və “Statu Dənizçilik” şirkətinə məxsus olan “STAR-2” quru yük gəmisi Tuapse limanını tərk edərkən dron hücumuna məruz qalıb.

Gəminin göyərtəsində 15 azərbaycanlı və 4 türkiyəli dənizçinin olduğu bildirilir. Hücum nəticəsində xəsarət alan olmayıb.