“Qəbələ” braziliyalı müdafiəçi ilə 3 illik müqavilə bağladı

“Qəbələ” futbol klubu növbəti transferini rəsmən həyata keçirib.

hadiseler.info klubun mətbuat xidmətinə istinadən xəbər verir ki, əyalət təmsilçisi Edson Eduardo ilə müqavilə imzalayıb. Yeni razılaşma 3 il müddətinə nəzərdə tutulub.

24 yaşlı braziliyalı müdafiəçi son olaraq İslandiyanın “Vestri” klubunda çıxış edib. O, bundan əvvəl Braziliyada “Rondoniense”, “Anapolis”, “Ponte Preta” və Tunisdə “Qabes” komandalarında oynayıb.