Radarlardan itən təyyarənin qalıqları tapıldı: Sağ çıxan olmadı – VİDEO

Kolumbiyada radarlardan itən kiçikmühərrikli sərnişin təyyarəsinin qalıqları aşkar edilib və göyərtədəki bütün şəxslərin həlak olduğu təsdiqlənib.

hadiseler.info xəbər verir ki, bu barədə ölkə prezidenti Abelardo de la Esprielya “X” sosial şəbəkəsində məlumat yayıb. Ölkə rəhbəri göyərtədə olan beş nəfərin hamısının həyatını itirdiyini bildirib.

Qeydiyyat nömrəsi HK-4985 olan “Cessna T206” markalı təyyarə sentyabrın 13-ü səhər saatlarında Çoko departamentinin Kondoto şəhərindən Boqotadakı Quayamaral hava limanına uçarkən radarlardan itib. Təyyarə ilə sonuncu əlaqə Çoko və Risaralda departamentlərinin sərhədində yerləşən dağlıq-meşəlik ərazidə qeydə alınıb.

Axtarış-xilasetmə qrupları Tatama Milli Təbiət Parkı yaxınlığında qəzanın baş verdiyi yeri müəyyənləşdiriblər. Ərazinin çətin keçilən dağlıq zona olması, mürəkkəb relyef və əlverişsiz hava şəraiti əməliyyatları çətinləşdirsə də, xilasedicilər helikopterlər vasitəsilə hadisə yerinə çatdırılıblar.