“Sabah” Avropa Liqasının qrup mərhələsini təmin etdi

“Sabah” Çempionlar Liqasında növbəti tarixi uğura imza ataraq pley-off mərhələsinə vəsiqə qazanıb.

hadiseler.info xəbər verir ki, Masazır təmsilçisi 3-cü təsnifat mərhələsinin cavab oyununda Danimarkanın “Orhus” klubunu darmadağın edib.

Doğma meydanda rəqib qapısından 4 cavabsız top keçirən təmsilçimiz iki oyunun nəticəsinə əsasən (5:2) növbəti mərhələyə adlayıb. Bu möhtəşəm qələbə ilə “Sabah” ən pis halda UEFA Avropa Liqasının qrup mərhələsində iştirakını təmin edib. Təmsilçimiz bundan öncəki mərhələdə Finlandiyanın KuPS klubunu mübarizədən kənarlaşdıraraq azı UEFA Konfrans Liqasının qrup mərhələsini təmin etmişdi.

Qeyd edək ki, “Sabah” Çempionlar Liqasının pley-off mərhələsində “Srvena Zvezda” (Serbiya) – “Hapoel” (İsrail) cütünün qalibi ilə üz-üzə gələcək.