Şahdağ və Şamaxıya dolu düşdü

Azərbaycan ərazisində küləkli və leysan yağıntılı hava şəraiti davam edir.

hadiseler.info xəbər verir ki, Milli Hidrometeorologiya Xidmətinin məlumatına əsasən, gün ərzində ölkənin bir çox bölgələrində şimşək çaxıb, leysan yağışlar yağıb və küləyin sürəti kəskin artıb.

 Dolu düşən ərazilər: Saat 16:05-16:12 radələrində Şahdağa diametri 3 mm, saat 16:15-16:19 radələrində isə Şamaxı rayonunun Çuxuryurd və Məlhəm kəndlərinə diametri 0.5 mm olan dolu düşüb.

 Küləyin sürəti: Şimal-qərb küləyi Naftalan və Gəncədə 28 m/s, Goranboyda 27 m/s, Bakı, Abşeron və Tərtərdə 25 m/s, Mingəçevir və Ağstafada 25 m/s, Tovuzda 24 m/s, Zaqatalada 23 m/s, Bərdədə 22 m/s, Ağdam, Neftçala, Göyçay və Salyanda isə 20 m/s-yə qədər güclənib.

 Ən çox yağıntı düşən ərazilər: Qaxda (Sarıbaş) 18 mm, Zaqatalada 17 mm, Göygöldə 8 mm və Daşkəsəndə 6 mm yağıntı qeydə alınıb.

Hazırda Quba, Qusar, Xızı, Göygöl, Gəncə, Tərtər, Balakən, Bərdə, Qrız, Şamaxı, Şirvan və Zaqatala daxil olmaqla bir çox rayonlarda yağıntılı hava şəraiti davam edir.