“Şamaxinka” yaxınlığında qəza- Yaralılar var – VİDEO

Bakının “Şamaxinka” kimi tanınan ərazisində ağır yol-nəqliyyat hadisəsi baş verib.

hadiseler.info “Oxu.Az”a istinadən xəbər verir ki, Bakı Şəhər Dövlət Yol Polisi İdarəsindən (BŞDYPİ) verilən məlumata görə, insident sentyabrın 18-nə keçən gecə, saat 01:50 radələrində qeydə alınıb.

Firudin İlqar oğlu Quliyevin idarə etdiyi 77-YZ-947 dövlət nömrə nişanlı “Lada Granta” markalı avtomobil idarəetmədən çıxaraq yol kənarındakı maneəyə çırpılıb. Zərbənin gücündən avtomobil tamamilə yararsız hala düşüb, həmçinin yol təsərrüfatına da ciddi ziyan dəyib.

Qəza nəticəsində sürücü Firudin Quliyev və onun sərnişini Mehman Ceyhun oğlu Əhmədov müxtəlif dərəcəli xəsarətlər alıblar.

Həyata keçirilən ilkin araşdırmalardan sonra faktla bağlı BŞDYPİ tərəfindən müvafiq tədqiqat işləri davam etdirilir.