Süni intellekt İnterpola 120-dən çox terrorçunun müəyyən olunmasında kömək edib

İnterpol süni intellekt (Sİ) texnologiyalarından istifadə etməklə 126 terrorçunun şəxsiyyətini müəyyənləşdirib.

hadiseler.info xəbər verir ki, bu uğurlu nəticə terror şəbəkələrinə qarşı keçirilən “Shams II” əməliyyatı çərçivəsində əldə olunub.

İnterpolun rəhbərliyi ilə iyunun 1-dən 5-dək təşkil olunan əməliyyatda 11 ölkədən olan mütəxəssislər iştirak ediblər. Ekspertlər terrorçular tərəfindən yayılan 108 mindən çox görüntünü təhlildən keçiriblər.

Proses zamanı xüsusi hazırlanmış süni intellekt agentləri və skriptlərdən istifadə olunub. Bu texnologiyalar sayəsində təkrar görüntülər silinib, keyfiyyət yaxşılaşdırılıb və məlumat həcmi 6 300 yüksəkkeyfiyyətli kadrədək azaldılıb. Hazırlanmış bu şəkillər İnterpolun üztanıma sisteminə inteqrasiya edilib.