Şəhərətrafı qatarların cədvəli dəyişir: Reys sayı 90-a qaldırılır

“Azərbaycan Dəmir Yolları” QSC (ADY) avqustun 25-dən etibarən şəhərətrafı qatarların hərəkət cədvəlində müvəqqəti dəyişikliklər edir.

hadiseler.info xəbər verir ki, dəyişiklik Xırdalan–Biləcəri mənzilində aparılan təmir işləri ilə əlaqədardır və Bakı–Xırdalan–Bakı, eləcə də Bakı–Pirşağı–Sumqayıt–Bakı marşrutlarını əhatə edəcək.

Yenilənmiş qrafikə əsasən, sərnişin sıxlığının qarşısını almaq üçün şəhərətrafı qatarların ümumi daily reys sayı 84-dən 90-a çatdırılacaq. Təmir işləri yekunlaşdıqdan sonra Xırdalan-Sumqayıt xətti üzrə də sərnişindaşıma əvvəlki qaydada bərpa olunacaq.

Avqustun 25-dən aktiv olacaq cədvəllə ADY-nin rəsmi saytı və “ADY Mobile” tətbiqi vasitəsilə tanış olmaq mümkündür.