Şəmkirdə TIR ilə minik maşını toqquşdu

Şəmkir rayonunda hərəkətin dayandırılmasına və tıxaca səbəb olan yol-nəqliyyat hadisəsi baş verib.

hadiseler.info “Lent.az”a istinadən xəbər verir ki, hadisə Şəmkir-Gədəbəy avtomobil yolunun rayon ərazisindən keçən hissəsində qeydə alınıb. Hərəkətdə olan TIR markalı yük avtomobili ilə “Chevrolet” markalı minik maşını toqquşub. Zərbənin şiddətindən yük avtomobili idarəetmədən çıxaraq yoldan aşıb.

Qəza nəticəsində TIR-ın yük yerində olan “Slavyanka” markalı sular plastik qablardan çıxaraq yola dağılıb. Dağılan plastik qablar səbəbindən Şəmkir-Gədəbəy avtomobil yolunda hərəkət müvəqqəti məhdudlaşdırılıb və ərazidə sıxlıq yarana bilib. Hadisə yerinə dərhal aidiyyəti qurumların əməkdaşları cəlb olunaraq yolu qısa müddətdə təmizləyib və nəqliyyatın hərəkətini bərpa ediblər.

İlkin məlumatlara əsasən, qəza zamanı xəsarət alan olmayıb, lakin hər iki nəqliyyat vasitəsinə ciddi maddi ziyan dəyib. Faktla bağlı müvafiq qurumlar tərəfindən araşdırma aparılır.