Türkiyədə maraqlı hadisə: Bir məktəbdə 27 cüt əkiz təhsil alır- FOTOLAR

Türkiyənin İzmir şəhərində yerləşən “Makbule Süleyman Alkan” orta məktəbində qeyri-adi göstərici qeydə alınıb.

hadiseler.info xəbər verir ki, bu barədə “Haber7” məlumat yayıb.

Buca rayonunda 2003-cü ildən fəaliyyət göstərən və təxminən 1 600 şagirdin təhsil aldığı bu təhsil ocağında hazırda 27 cüt əkiz oxuyur.

Əkiz şagirdlərin siniflər üzrə bölgüsü belədir:

 Məktəbəhazırlıq qrupu: 1 cüt

 5-ci və 8-ci siniflər: Hər birində 9 cüt (cəmi 18 cüt)

 6-cı və 7-ci siniflər: Hər birində 4 cüt (cəmi 8 cüt)

Məktəbin müəllimləri bildirirlər ki, ilk vaxtlar bir-birinə çox bənzəyən şagirdləri fərqləndirməkdə çətinlik çəksələr də, zamanla onları saç düzümü, geyim, xarakter və bacarıqlarına görə tanıya bilirlər.