Yeni marşrut xətti açılır

Oktyabrın 18-dən metronun “Əhmədli” stansiyasından Türkan və Hövsan qəsəbələrinə yeni avtobus marşrutu fəaliyyətə başlayacaq.

hadiseler.info xəbər verir ki, Azərbaycan Yerüstü Nəqliyyat Agentliyinin (AYNA) məlumatına görə, 218 nömrəli marşrut Hövsanın “Quşçuluq” yaşayış massivini, Türkan bağlarını və Türkan qəsəbəsini əhatə edəcək.

Avtobuslar saat 06:00-dan 23:00-dək hərəkət edəcək. Hərəkət intervalı 12–15 dəqiqə, gedişhaqqı isə 80 qəpik olacaq.

Marşrut üzrə müasir, sıxılmış təbii qazla işləyən avtobuslar fəaliyyət göstərəcək. Ödəniş nağdsız qaydada həyata keçiriləcək.