Zabrat–Maştağa yolunun bir hissəsi bağlandı

Zabrat–Maştağa avtomobil yolunda nəqliyyat vasitələrinin hərəkətinə tam məhdudiyyət tətbiq olunub.

hadiseler.info xəbər verir ki, bu barədə Azərbaycan Avtomobil Yolları Dövlət Agentliyi (AAYDA) məlumat yayıb.

Məlumata görə, ərazidə aparılan təmir işləri ilə əlaqədar bu gündən etibarən Zabrat–Maştağa avtomobil yolunun Zabrat dairəsindən Maştağa qəsəbəsi Elşən Məhərrəmli küçəsi ilə kəsişməyədək olan hissəsində hərəkət tam dayandırılıb.

AAYDA-dan bildirilib ki, yolun əks istiqamətində isə 19 oktyabr saat 08:00-dan etibarən nəqliyyatın hərəkətinə tam məhdudiyyət qoyulacaq.

Təmir işləri ilə əlaqədar sürücülərdən sıxlığın qarşısını almaq üçün öncədən alternativ yollardan istifadə etmələri xahiş olunur.