12 yaşlı Tapdığın dəhşətli ölümü: Hədiyyə olunan maşınla yola çıxıbmış + VİDEO

Gürcüstanın Soğanlıq kəndində 12 yaşlı azərbaycanlı Tapdıq Qəhrəmanovun faciəvi şəkildə həyatını itirdiyi qəzanın təfərrüatları məlum olub.

hadiseler.info xəbər verir ki, yeniyetmənin qonşularının verdiyi məlumata görə, hadisə zamanı “Smart” markalı kiçikölçülü avtomobili Tapdıq özü idarə edirmiş.

Məlum olub ki, valideynləri bir müddət əvvəl həmin avtomobili ona hədiyyə etsələr də, yaşı çatmadığı üçün yola çıxmasına icazə verilməyib. Hadisə günü isə 12 yaşlı Tapdıq atasından xəbərsiz sükan arxasına əyləşərək küçəyə çıxıb və qəza törədib. Ağırməqamlı qəza nəticəsində azyaşlı həyatını itirib.