13 hərbçini öldürən Malikin edamı canlı yayımlanacaq

Pentaqon 2009-cu ildə 13 hərbçini öldürən keçmiş ABŞ əsgəri Nidal Malik Həsənin edamını canlı yayımlamağa hazırlaşır.

hadiseler.info xəbər verir ki, bu barədə ABŞ-nin müdafiə naziri Pit Heqset məlumat verib. Nazir bildirib ki, proses ictimaiyyətə açıq şəkildə həyata keçiriləcək. Pentaqondan verilən əlavə açıqlamada edamın onlayn yayımlanacağı dəqiqləşdirilib.

Nidal Həsənin edamı dekabrın 3-nə planlaşdırılıb və bu, ABŞ-də son 65 ildə ilk hərbi edam olacaq. Hərbi məhkəmə onu 2009-cu ildə Texasdakı hərbi bazada baş verən atışma zamanı 13 nəfəri öldürməkdə və 32 nəfəri yaralamaqda günahkar bilib.

Xatırladaq ki, həmin dövrdə ABŞ ordusunda mayor rütbəsində psixiatr işləyən Həsən 5 noyabr 2009-cu ildə əsgərlərin tibbi müayinə gözlədiyi mərkəzdə atəş açıb. O, bu əməlini hərbçilərin Əfqanıstana gedərək müsəlmanları öldürməsinin qarşısını almaq istəyi ilə əsaslandırıb.