17 il axtarılan terrorçu Azərbaycana gətirildi  

DTX tərəfindən keçirilən əməliyyat nəticəsində uzun illərdir beynəlxalq axtarışda olan radikal qruplaşma üzvü saxlanılaraq ölkəyə gətirilib.  

hadiseler.info DTX-yə istinadən xəbər verir ki, 2009-cu ildən axtarışda olan Namiq Ağalarov tutularaq istintaqa təhvil verilib.

Məlumata görə, N.Ağalarov 2008–2009-cu illərdə Əfqanıstan və Pakistan ərazisində qanunsuz silahlı birləşmələrə qoşularaq beynəlxalq təhlükəsizlik qüvvələrinə, missiya nümayəndələrinə və logistika şəbəkələrinə qarşı silahlı hücumlarda, eləcə də partlayıcı qurğuların tətbiqində iştirak edib. O, həmçinin müxtəlif adlar altında gizlənərək radikal dini təbliğat aparmaqda ittiham olunur.