4 minədək uşağa sosial xidmət və reabilitasiya dəstəyi göstərilir

Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyinin müəssisələrində və sifarişlə yaradılmış mərkəzlərdə hazırda 4 minədək uşağa sosial-reabilitasiya xidmətləri göstərilir.

hadiseler.info xəbər verir ki, xüsusi qayğıya ehtiyacı olan və əlilliyi bulunan uşaqlardan 882-si stasionar, 2936-sı yarımstasionar, 165-i isə ambulator formada xidmətlə təmin olunur.

Aparılan işlər uşaqların reabilitasiya potensialının reallaşdırılmasına, funksional bacarıqlarının inkişafına və cəmiyyətə inteqrasiyasına yönəlib. Həmçinin dərnəklər vasitəsilə onların özünəxidmət qabiliyyətləri və təxəyyülləri inkişaf etdirilir.