Azərbaycanda əhalinin gəlirləri artacaq

Ölkə əhalisinin gəlirlərinin növbəti illərdə artım tempi müəyyənləşib.

hadiseler.info xəbər verir ki, bu, Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında müzakirəyə çıxarılan “Azərbaycan Respublikasının 2027-ci il dövlət büdcəsi haqqında” qanun layihəsində əksini tapıb.

Layihəyə əsasən, ölkədə iqtisadi aktivliyin yüksəlməsi fonunda əhalinin gəlirlərinin real artım tempi növbəti ildə 3,5 faiz, 2028–2030-cu illərdə isə orta illik 3,7 faiz təşkil edəcək.

Bununla yanaşı, gəlirlərin artımına uyğun olaraq əhalinin xərclərinin real artım tempinin də qarşıdakı ildə 3,6 faiz, 2028–2030-cu illərdə isə orta illik 3,7 faiz səviyyəsində olacağı proqnozlaşdırılır.