8,4 milyondan çox ukraynalı vətənini tərk edib

Rusiya-Ukrayna müharibəsi səbəbindən hazırda 8,4 milyondan çox ukraynalı ölkə xaricində məskunlaşıb.

Hadisələr.info xəbər verir ki, bu barədə Ukrayna Ali Radasının insan hüquqları üzrə müvəkkili Dmitri Lubinets “Telegram” kanalında məlumat paylaşıb.

Lubinets bildirib ki, 8,4 milyondan çox vətəndaş hazırda Ukrayna hüdudlarından kənarda yaşayır. Müvəkkilin açıqladığı bu rəqəm Rusiyanın 2014-cü ildə Krımı ilhaq etməsindən bəri olan dövrü əhatə edir.

BMT-nin Qaçqınlar üzrə Ali Komissarlığının statistikasına əsasən, 2022-ci ildə Rusiyanın Ukraynaya qarşı genişmiqyaslı hərbi müdaxiləsindən sonra 5,7 milyondan çox ukraynalı ölkədən gedib.

Avropa Statistika İdarəsinin (“Eurostat”) son məlumatlarına görə simplifies, hazırda 4,38 milyon Ukrayna vətəndaşı Avropa İttifaqı ölkələrində müvəqqəti sığınacaq statusuna malikdir. Müdafiə altında olanların böyük hissəsini qadınlar və uşaqlar təşkil edir. Ən çox ukraynalı qaçqın qəbul edən ölkələr sırasında Almaniya, Polşa və Çexiya yer alır. Bu üç ölkədə ümumilikdə 2,65 milyona yaxın ukraynalı məskunlaşıb.