Polşada 6 nəfəri qətlə yetirən şəxsin evində dəhşətli tapıntı

Polşanın Krakov şəhərinin mərkəzində silahlı hücum törədən 24 yaşlı Mihal Okinskinin evində üç nəfərin – iki qadın və bir kişinin meyiti tapılıb.

hadiseler.info “Polsat News”a istinadən xəbər verir ki, həmin şəxslərin qətlə yetirilən gəncin ailə üzvləri olduğu ehtimal edilir.

Qonşular sözügedən ailəni adi və sakit kimi təsvir etsələr də, qanlı hadisəni törədən gəncin son vaxtlar özünü qəribə və şübhəli apardığını bildiriblər. Hazırda hadisə yerində hüquq-mühafizə orqanları tərəfindən zəruri istintaq tədbirləri həyata keçirilir.

Xatırladaq ki, noyabrın 7-də Krakovda kütləvi silahlı insident baş verib. Avtomobillə şəhər meydanına daxil olan şəxs ətrafdakı insanlara atəş açıb. Hadisə nəticəsində 6 nəfər həlak olub, 15 nəfər yaralanıb. İlkin məlumatlarda şübhəlinin keçmiş hərbçi olduğu bildirilsə də, sonradan bu xəbər rəsmən təkzib edilib.