Avtomobillə toqquşan traktor iki yerə bölündü- VİDEO

Türkiyənin Kastamonu vilayətinin Taşköprü rayonunda ağır yol-nəqliyyat hadisəsi baş verib.

hadiseler.info İHA-ya istinadən xəbər verir ki, minik avtomobili ilə traktorun toqquşması nəticəsində dəhşətli qəza meydana gəlib. Zərbənin gücündən traktor iki hissəyə ayrılıb.

Qəza nəticəsində 3 nəfər müxtəlif dərəcəli bədən xəsarətləri alıb. Yaralılar dərhal xəstəxanaya çatdırılıb. Hadisə ilə bağlı müvafiq qurumlar tərəfindən araşdırma aparılır.