Diplomatların Qarabağ və Şərqi Zəngəzura səfərləri davam edir

Azərbaycanda akkreditə olunmuş diplomatik korpus nümayəndələrinin Qarabağ və Şərqi Zəngəzur iqtisadi rayonlarına başladığı səfər proqramı davam edir.  

hadiseler.info xəbər verir ki, diplomatlar səfərin ikinci günündə Ağdərə və Kəlbəcər rayonlarında olacaqlar.

Sentyabrın 11-də başlayan və iki gün davam edən səfər çərçivəsində xarici diplomatlar, beynəlxalq təşkilatların nümayəndələri ilk gün Xankəndi şəhəri və Şuşa rayonunu ziyarət edərək buradakı bərpa-quruculuq işləri ilə tanış olublar. Bu gün isə nümayəndə heyəti Ağdərə və Kəlbəcərdə reallaşdırılan infrastruktur layihələri, sosial-iqtisadi yenidənqurma tədbirləri və tarixi-mədəni irsin bərpası prosesini yerindəcə müşahidə edəcəklər.