İsmayıllıda avtomobil aşıb yandı – Ölən var

İsmayıllı rayonunda ölümlə və ağır xəsarətlə nəticələnən dəhşətli yol-nəqliyyat hadisəsi baş verib.

hadiseler.info “Report”a istinadən xəbər verir ki, hadisə İsmayıllı-Qəbələ avtomobil yolunun 12-ci kilometrliyində qeydə alınıb.

“Mercedes E-240” markalı, 99-KF-281 dövlət qeydiyyat nişanlı minik avtomobili hərəkətdə olarkən idarəetmədən çıxaraq yolun kənarına aşıb və qəfildən alışaraq yanmağa başlayıb. Hadisə şahidlərinin köməyi ilə ağır xəsarətlər alan sürücü və avtomobildə olan qadın sərnişinin meyiti nəqliyyat vasitəsindən çıxarılaraq aidiyyəti üzrə təhvil verilib. Hazırda həlak olan qadının və yaralanan sürücünün şəxsiyyətinin dəqiqləşdirilməsi istiqamətində işlər aparılır.

Qeyd edək ki, analoji dəhşətli qəza bir neçə gün əvvəl Zərdab-Ağcabədi yolunda da qeydə alınmışdı; orada “KIA” markalı avtomobilin traktorla toqquşaraq yanması nəticəsində 5 nəfər yanaraq həyatını itirmişdi.  

Faktla bağlı müvafiq qurumlar tərəfindən araşdırma aparılır.