Bakı metrosunda problem yaranıb- AÇIQLAMA

Bakı metrosunda texniki nasazlıq səbəbindən qatarların hərəkətində gecikmə yaranıb və stansiyalarda sərnişin izdihamı müşahid olunub.

hadiseler.info xəbər verir ki, “İçərişəhər” stansiyasının giriş sahəsində qatarda yaranan nasazlıq səbəbindən “Xalqlar Dostluğu” və digər stansiyalarda platformalara çox sayda sərnişin toplanıb.

Olayla bağlı “Bakı Metropoliteni” QSC-nin Mətbuat xidmətinin rəhbəri Bəxtiyar Məmmədov hər hansı təhlükəli vəziyyətin olmadığını bildirib. Metropolitendən təqdim edilən rəsmi məlumata əsasən, xəttə köməkçi qatar verilərək nasaz qatar ərazidən çıxarılıb və qısa müddət ərzində Qırmızı xətt üzrə intervalsız hərəkət bərpa olunub.

Məhdudiyyət zamanı Yaşıl və Bənövşəyi xətlərdə qatarlar normal qrafik üzrə fəaliyyətini davam etdirib. “Bakı Metropoliteni” QSC yaranmış müvəqqəti narahatlığa görə sərnişinlərdən üzr istəyib.