Səudiyyə Ərəbistanı CENTCOM vasitəsilə İsraildən yardım istəyib

Səudiyyə Ərəbistanı Yəmən husilərinin irəliləməsi və strateji obyektləri tutması fonunda İsrailə müraciət edib.

hadiseler.info İsrailin “Israel Hayom” nəşrinə istinadən xəbər verir ki, regional diplomatik mənbələrin verdiyi məlumata görə, Ər-Riyad ABŞ Mərkəzi Komandanlığı (CENTCOM) vasitəsilə İsraildən kəşfiyyat və digər sahələrdə dəstək xahiş edib.

Rəsmi Ər-Riyadın əsas narahatlığı husilərin Qırmızı dənizdə gəmiçiliyə təhlükə yaratması və strateji Bab əl-Məndəb boğazını tam blokadaya almaq riskidir.

Qeyd edək ki, İsraildən kəşfiyyat yardımı istənilməsi barədə yayılan bu məlumatlar hələlik nə Səudiyyə Ərəbistanı, nə də İsrail rəsmiləri tərəfindən açıq şəkildə təsdiqlənməyib.