Türkiyədə mütəşəkkil dəstələrə qarşı əməliyyat: 67 şübhəli həbs edildi

Türkiyənin paytaxtı Ankarada cinayətkar qruplaşmalara qarşı keçirilən xüsusi əməliyyat çərçivəsində 67 şübhəli şəxs barəsində həbs qərarı verilib.

hadiseler.info xəbər verir ki, bu barədə “TRT Haber” məlumat yayıb.

Ankara Baş Prokurorluğunun koordinasiyası ilə aparılan araşdırmalar nəticəsində cinayətkar qruplaşmalarla əlaqəli olduğu müəyyən edilən 114 şübhəli şəxsin kimliyi dəqiqləşdirilib. Onlardan 82-si barəsində saxlanılma qərarı çıxarılıb, məhkəmənin qərarı ilə 67 nəfər həbs olunub, 15 şübhəli isə məhkəmə nəzarəti şərtilə azadlığa buraxılıb.

Hazırda Baş Prokurorluq tərəfindən dəstənin digər üzvlərinin və şübhəlilərin tutulması istiqamətində əməliyyat-axtarış tədbirləri davam etdirilir.