“Qarabağ” “Şəfa”nı məğlub etdi

Misli Premyer Liqasının VI turunda “Qarabağ” doğma azarkeşləri önündə növbəti matçına çıxıb.

hadiseler.info xəbər verir ki, Tofiq Bəhramov adına Respublika stadionunda keçirilən qarşılaşmada Ağdam təmsilçisi “Şəfa”nı minimal – 1:0 hesabı ilə üstələyib.

Qarşılaşmada yeganə qolu 61-ci dəqiqədə əllə oyuna görə təyin olunan penalti zərbəsini dəqiq yerinə yetirən Marko Yankoviç vurub.

Bu qələbədən sonra Qurban Qurbanovun baş məşqçisi olduğu komanda xallarını 13-ə çatdıraraq turnir cədvəlinin ikinci pilləsində yer alıb. 3 xalı olan “Şəfa” isə 10-cu sırada qərarlaşıb. Qeyd edək ki, turun açılış matçında “Neftçi” səfərdə “Qəbələ”yə 3:0 hesabı ilə qalib gəlib.