Türkiyədə zəlzələ baş verib

Türkiyənin Adana şəhərinin Saimbeyli rayonunda 5 maqnitudalı zəlzələ qeydə alınıb.

hadiseler.info xəbər verir ki, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.

Yer səthindən 7 kilometr dərinlikdə baş verən yeraltı təkanlar Kahramanmaraş, Osmaniye, Kayseri və Qaziantep kimi ətraf əyalətlərdə də hiss olunub.

İlk məlumatlara əsasən, zəlzələ nəticəsində hər hansı tələfat və ya dağıntı qeydə alınmayıb.