Zelenski ilə Tramp Nyu-Yorkda görüşəcək

Ukrayna Prezidenti Volodimir Zelenski ilə ABŞ Prezidenti Donald Tramp arasında telefon danışığı baş tutub.

hadiseler.info xəbər verir ki, bu barədə Ukrayna dövlət başçısı özünün “Telegram” kanalında məlumat paylaşıb.

Zelenski açıqlamasında söhbətin vacibliyini və bir çox mühüm məsələlərin müzakirə olunduğunu bildirib: “Prezident Trampla danışdım. Bu, vacib bir söhbət idi və biz bir çox məsələləri müzakirə etdik. Biz Nyu-Yorkda görüşməyə razılaşdıq və bu görüş çox şeyi dəyişə bilər”.

Qeyd edək ki, liderlərin planlaşdırılan görüşünün dəqiq vaxtı və gündəliyi barədə hələlik əlavə məlumat verilməyib.