Tahir Gözəl: “Qurban Qurbanov bəzi məqamlarda klubdan ayrılmaq istəyib”

“Qarabağ” futbol klubunun prezidenti Tahir Gözəl baş məşqçi Qurban Qurbanovla fəaliyyət dövrünə dair diqqətəlayiq fikirlər səsləndirib.

hadiseler.info xəbər verir ki, klub rəhbəri 2008-ci ildən komandanı çalışdıran Qurban Qurbanovun fəaliyyəti zamanı yaşanan bəzi gizli məqamlara toxunub.

Tahir Gözəl bildirib ki, nəticələrin arzulanan kimi olmadığı müəyyən dövrlərdə emosional qərarlar vermək əvəzinə qarşılıqlı inam və qurulan sistemi əsas götürüblər:

“Elə məqamlar olub ki, Qurban Qurbanov özü məsuliyyəti üzərinə götürməyə hazır olduğunu və klubdan ayrıla biləcəyini bildirib. Biz isə bir nəticənin və ya uğursuz seriyanın illər ərzində qurulan münasibətləri dağıtmasına imkan verməmişik. Çünki onun iş prinsipini, xarakterini və kluba münasibətini yaxşı bilirdik”.

Klub prezidenti vurğulayıb ki, “Qarabağ” daxilindəki ailə mühiti, hörmət, etimad və ciddi tələbkarlıq komandanın uğurlarının əsas təməlidir.