Aktyor Rəşad Səfərov xəstəxanaya yerləşdirildi

Gənc Tamaşaçılar Teatrının aktyoru Rəşad Səfərovun səhhəti qəfildən pisləşib və o, xəstəxanaya yerləşdirilib.

hadiseler.info xəbər verir ki, teatrın mətbuat katibi Samirə Əşrəf aktyorun dərs vaxtı halının pisləşdiyini bildirib. Səhhətinin kəskin pisləşməsinə qanında şəkərin 400-ə qədər yüksəlməsi səbəb olub.

Samirə Əşrəfin sözlərinə görə, aktyor ürəyində küt ağrılar hiss edib və huşunu itirib. Övladları tərəfindən xəstəxanaya çatdırılan Rəşad Səfərova ilkin olaraq ürəklə bağlı problem — oksigen çatışmazlığı diaqnozu qoyulub. Hazırda sistem köçürülən aktyorun 2-3 gün həkim nəzarətində qalacağı bildirilir.