Türkiyədə 7-ci sinif şagirdi dərsə tüfənglə gəldi- VİDEO

Türkiyənin Van vilayətində orta məktəblərdən birində şagirdin dərsə silahla gəlməsi böyük təşvişə səbəb olub.

hadiseler.info xarici mediaya istinadən xəbər verir ki, hadisə Tuşba rayonundakı orta məktəblərdən birində qeydə alınıb.

7-ci sinifdə təhsil alan qız şagirdi məktəb binasına pompali tüfənglə gəlib. Şagirdin əlindəki silahı görən müəllimlər operativ müdaxilə edərək tüfəngi onun əlindən alıblar və dərhal polis əməkdaşlarına təhvil veriblər.

Hadisədən sonra məktəb binasında və onun ətrafında təhlükəsizlik tədbirləri gücləndirilib. Faktla bağlı hüquq-mühafizə orqanları tərəfindən araşdırma aparılır.