Ombudsmanın maaşı 12 min manata qaldırıldı

Milli Məclis Azərbaycan Respublikasının İnsan hüquqları üzrə müvəkkilinin (ombudsmanın) aylıq vəzifə maaşının 12 min manat müəyyən edilməsi ilə bağlı Konstitusiya Qanunu layihəsini təsdiqləyib.

hadiseler.info xəbər verir ki, “Azərbaycan Respublikasının İnsan hüquqları üzrə müvəkkili haqqında” Konstitusiya Qanununa dəyişiklik layihəsi Milli Məclisin payız sessiyasının ilk plenar iclasında ikinci səsverməyə çıxarılaraq qəbul olunub.

Dəyişikliyə əsasən, ombudsmanın aylıq vəzifə maaşı 3060 manatdan 12 min manata qaldırılıb. Qanun qüvvəyə minənədək ombudsmana ödənilmiş vəzifə maaşı, əlavə, mükafat və digər ödənişlər yeni müəyyən edilən aylıq vəzifə maaşına daxil edilir.

Sözügedən dəyişikliyin 2026-cı il yanvarın 1-dən tətbiq edilməsi nəzərdə tutulur.