Dzyuba futbol karyerasını başa vurdu

Rusiyanın tanınmış hücumçusu Artyom Dzyuba 38 yaşında peşəkar futbolçu karyerasını yekunlaşdırıb.

hadiseler.info xəbər verir ki, bu barədə 38 yaşlı təcrübəli futbolçunun özü məlumat verib.

Son olaraq “Akron” klubunda çıxış edən və komandadan ayrıldıqdan sonra azad agent statusunda olan Dzyuba, karyerası ərzində “Spartak Moskva”, “Rostov”, “Zenit”, “Lokomotiv”, “Adana Dəmirspor” və “Akron” kimi komandaların şərəfini qoruyub.

O, karyerasının en uğurlu illərini “Zenit”də keçirib. Sankt-Peterburq təmsilçisinin heyətində 249 matçda 108 qola imza atan hücumçu, klubla 4 dəfə Rusiya çempionu olub, 2 dəfə ölkə kubokunu və 4 dəfə Superkuboku qazanıb.

Dzyuba Rusiya futbolu və milli komandasının tarixina ən məhsuldar hücumçulardan biri kimi düşüb. O, 2025-ci ildə klub və milli komanda miqyasında vurduğu 234 qolla Rusiya futbolunun ən yaxşı bombardiri seçilib. Rusiya yığmasında keçirdiyi 56 oyunda 31 qol vuran təcrübəli forvard, milli komandanın tarixində en çox qol vuran futbolçudur. Dzyuba xüsusilə 2018-ci ildə Rusiyada təşkil olunan dünya çempionatındakı parlaq oyunu ilə yadda qalıb və həmin turnirdə 5 matçda 3 qol vurub.