Prezident İlham Əliyev İraq Prezidentini təbrik edib

Azərbaycan Respublikasının Prezidenti İlham Əliyev İraq Respublikasının Prezidenti Nizar Amidiyə təbrik məktubu ünvanlayıb.

hadiseler.info xəbər verir ki, dövlət başçısı İraqın milli bayramı münasibətilə Nizar Amidini və onun simasında bütün İraq xalqını öz adından və Azərbaycan xalqı adından səmimi-qəlbdən təbrik edib.

Prezident İlham Əliyev iki ölkə arasında dostluq münasibətlərinin möhkəmləndirilməsi və əməkdaşlığın genişləndirilməsi istiqamətində birgə səylərin davam etdiriləcəyinə inamını ifadə edib, dost İraq xalqına daim əmin-amanlıq və rifah arzulayıb.